Artful faith: Die profetiese kunste – in kort

’n Rubriek waarin Marzanne Slabbert die enigmatiese samesmelting van geloof en kuns in Suid-Afrika ondersoek. Kom saam met haar op ‘n artistieke reis en verken die baie maniere waarop God die visuele kunste gebruik!

In hierdie maand se blog-inskrywing deel ek kortliks graag ‘n paar interessante feite oor profetiese kuns, stel jou voor aan ‘n paar profetiese kunstenaars en deel ‘n paar gebeure wat jy gerus kan dagboek…

Vinnige feite…

Wat is profetiese kuns en wat behels dit?

1. Geestelike uitdrukking

Profetiese kuns word dikwels gesien as ‘n vorm van geestelike uitdrukking, waar kunstenaars goddelike inspirasie kanaliseer om werke te skep wat boodskappe van God oordra. Die kuns gaan nie net oor estetika nie, maar ook oor die kommunikasie van geestelike insigte en waarhede. In kort: profetiese kuns is ‘n boodskap van God af wat belyn is met Sy Woord. Die boodskap het altyd ten doel om mense te versterk, aan te moedig, te troos en innerlike genesing te bring.

2. Diverse uitdrukkings

Profetiese kunstenaars maak gebruik van ‘n verskeidenheid middele, o.a. skilder, beeldhouwerk, dans en selfs digitale kuns. Die diverse uitdrukkings maak dit moontlik om verskillende gehore en kulture te bereik op ‘n nie-konfronterende wyse.

- Advertisement -

3. Gemeenskapsbetrokkenheid

Kunstenaars betrek dikwels die publiek of gemeenskap in die kreatiewe proses, wat ‘n konneksie, verhouding en betrokkenheid bevorder.

- Advertisement -

4. Genesing en terapie

Profetiese kuns kan terapeutiese voordele hê. Die skepping of belewenis van profetiese kuns kan lei tot emosionele genesing en geestelike hernuwing. Kuns maak dit moontlik om komplekse gevoelens en ervarings te beleef of te verwerk.

- Click on banner to view life-affirming resources -

5. Integrasie in aanbidding

In baie kerke en geestelike omgewings word profetiese kuns in aanbiddingsdienste geïntegreer. Dit kan o.a. skilder tydens dienste insluit, die visuele uitbeelding van geestelike temas, of die gebruik van kunstoerusting om die aanbiddingservaring vir die gehoor te verbeter. Op die manier, deur die gebruik van kuns as instrument of hulpmiddel, word ‘n atmosfeer geskep wat bevorderlik is om God te ontmoet.

Wie was die eerste profetiese kunstenaar?

Besaleël (Eksodus 31:1-5). Betekenis van sy naam: “Staan in die skaduwee van God”

Die Here het vir Moses gesê: 2“Kyk, Ek het vir Besaleël uitgekies. Hy is ‘n seun van Uri, seun van Gur uit die stam Juda. 3Ek het hom toegerus met my Gees sodat hy met vaardigheid, insig en verstand enige werk kan doen: 4ontwerpe maak en dit in goud, silwer en brons uitwerk, 5edelstene verwerk en monteer, en houtwerk doen. Hy sal enige werk kan doen.” (https://www.bible.com/af/bible/6/EXO.31.AFR83)

Lees gerus meer oor die buitengewone kunstenaar hier: https://manuelluz.wordpress.com/2022/01/16/the-first-artist-of-faith/

Was daar ander profetiese kunstenaars in bybelse tye?

Ja! Oholiab (vakman; Eksodus 31), Dawid (musiek en poësie — soos gesien kan word in die Psalms), Ezekiel (uitvoerende kunste), Debora (oorwinningslied in Richters 5), Miriam, suster van Moses (Sy word dikwels beskou as die eerste vroulike profetiese kunstenaar. Sy was ‘n liedjieskrywer en danseres. Lees gerus Eksodus 15:20-21)

Plaaslike visuele kunstenaars om op sosiale media te volg…

  1. Antoinette Holtzhausen
    Facebook-blad: Tehila’s Art
    083 630 9999

Antoinette skryf oor hierdie skildery:

IN EVERY SEASON
“Rooi skoene – to walk in His Righteousness…ek en jy is niks. Ons is sleg en geneig om sonde te doen, maar ons loop nie in ons eie geregtigheid nie. Deur Sy bloed, kan ons in Sy Geregtigheid loop!
Die pad lei na iewers wat ons nie kan sien nie, maar Hy sal jou dra in die onbekende. Jy moet in Sy arms oorgee…nie self goed laat gebeur nie.
Dis lente en herfs wat dui daarop dat ons BAIE keer in tussen-in seisoene moet WAG. In die seisoene is ons hoop op Hom gevestig en Hy dra ons deur.
In herfs seisoene wanneer dit moeiliker gaan en dit lyk of alles doodgaan, sal ons blare ook val op hulle wat soekend is. Hulle kyk na jou en kry weer hoop…
Die hele prent se kleure is verbondskleure…sodat jy sal onthou Hy het met jou ‘n verbond gemaak dat Hy jou nooit sal los nie, nooit op jou eie sal laat voortsukkel nie…Hy sal jou dra
Hy sal jou God wees en ook jou kinders se God
You can let go and enjoy it in His arms ”

2. Liza Vermaas
Facebook-blad: https://www.facebook.com/LizasArt
082 412 2661

Liza skryf oor hierdie skildery:
“..en wat julle ook al doen, doen dit van harte soos vir die Here en nie vir mense nie..” – Kol.3:23
Daar sal áltyd mense wees met ‘n opinie oor jou…mense wat kies om eerder die weergawe in hul koppe te glo. Dis ook okay.
Gelukkig ken die Skepper van die heelal ons elkeen se harte en bedoelings. Hy het jou uitgekies vir ‘n spesifieke doel. Luister na Sý stem. Nét Syne. Laat jou liggie helder skyn. Elke dag. Alle eer aan Hom.

3. Annette Dannhauser
Facebook-blad: https://www.facebook.com/AnnetteDannhauserArt
083 308 8558

Annette skryf oor hierdie skildery:

“Have you ever felt broken but found healing in unexpected ways? This painting, inspired by Psalm 147:3, represents restoration, hope, and the power of a heart that heals. Every brushstroke carries a message of resilience.”

Opkomende gebeure

Dit is wonderlik om te hoor dat daar ook profetiese kunstenaars by die KKNK is! Besoek gerus, Corinne Smit (https://corinnesmit.art) se stalletjie in Oudtshoorn. (1 – 6 April). Vir navrae: 072 767 2093. (Corinne is geborg deur Build-It, George; George Craft & Signage asook Eagle Lighting & Build-It Outeniqua)

Maar dit is nie al nie! Daar is ook ‘n profetiesekuns-werkswinkel by die Kunstefees in Clarens op 4 Mei om 10:00. Die koste beloop R590 p.p. Vir navrae: 082 959 3150

Alida Bezuidenhout bied eersdaags, op 5 April ‘n profetiesekuns-werkswinkel aan by die Holy Spirit Filled Church in Centurion. Slegs R360 p.p. Leer die basiese beginsels om in olie te skilder en hoe om met die Heilige Gees te vloei. Alle materiaal ingesluit asook koffie en koek. Kontak 079 223 2393 vir besprekings of navrae.

Kom maak jou eie keramiek kroon of kruis op 5 April van 09:00 – 13:00 in Noordeheuwel. Healing Grace in samewerking met Hartzgemaak bied ‘n spesiale “krone & kruise” werkswinkel en seminaar oor essensiele olies aan. R300 p.p. Sluit ververssings en ‘n geskenkie in. Bespreek aanlyn op www.healinggrace.co.za

Raak kreatief met klei! Op 19 April bied Healing Grace ‘n kleiwerkswinkel en essensiele olie seminaar aan saam met Hartzgemaak te Noordheuwel. Vir slegs R300 p.p. kan jy jou eie granate maak en luister na ‘n praatjie oor essensiele olies. Verversings en geskenkie ingesluit. Bespreek aanlyn op: www.healinggrace.co.za

Woon ‘n spesiale oggend by saam met kunstenaar, Loezytha Maritz van Arising Bride Ministries op 10 Mei in Hofmeyer by The Farmhouse. Kom luister na Loezytha se kragtige getuienis en ontvang innerlike genesing d.m.v. ‘n kreatiewe sessie. 10 Mei, 10:30 – 15:00. R295 p.p. (Sluit profetiese sakkie in.) Skakel 083 611 1599 vir besprekings of navrae.

As jy nie die “Arise” oggend vir mans en dames kan bywoon op 10 Mei in Hofmeyer nie, kan jy gerus bespreek vir die “Storie van Hoop” op 24 Mei by die Logos Christen Gemeente in Oakglen, Kaapstad. R80 p.p Skakel 082 3366 932 om te bespreek.

Subscribe to Newsletter

Please help us to keep on publishing news that brings Hope in Jesus:

>> Donate  >> Become a Super Subscriber

VISIT OUR YOUTUBE CHANNEL: https://www.youtube.com/gatewaynews100

COMMENTING GUIDELINES
You are welcome to engage with our articles by making comments [in the Comments area below] that add value to a topic or to engage in thoughtful, constructive discussion with fellow readers. Comments that contain vulgar language will be removed. Hostile, demeaning, disrespectful, propagandistic and off-topic comments may also be moved. This is a Christian website and if you wish to vent against Christian beliefs you have probably come to the wrong place and your comments may be removed. Ongoing debates and repetitiveness will not be tolerated. You will also disqualify yourself from commenting if you engage in trolling.

Leave a Comment

Your email address will not be published. Required fields are marked *

*


Click banner for more info